Timpupo Festival ng Kidapawan City, dinagsa

(Kidapawan City/ August 20, 2015) ---Kahit hindi umano holiday sa Kidapawan City ay dinagsa ng mga tao ang nagpapatuloy na Timpupo Festival sa Kidapawan City.

Ito ang nabatid mula kay Kidapawan City Tourism Officer Joey Recimillia sa panayam ng DXVL News Team.

 

Sa katunayan ay sa loob lamang ng 3 oras, ay halos maubos ang lahat ng mga panindang prutas sa Fruit Pavillion kahapon.

Malaki din umano kasi ang kaibahan ng presyo ng mga prutas na dinidisplay sa Fruit Pavillion.

Mas mura umano ito kung ikukumpara sa mga presyo ng prutas sa labas ng Kidapawan City.

Nabatid rin mula sa opisyal na ang pinaka common na iniexport ng ng Kidapan City ay ang mangoosteen at ang saging.

Kilala rin umano bilang Banana Exporter City of the Philippines ang lungsod ng Kidapawan dagdag pa niya.

Patuloy naman ngayon ang pagbibigay ng imbetasyon ng opisyal sa lahat ng mga gustong makisaya sa Timpupo Festival sa Kidapawan City. Mark Anthony Pispis