Suportang pang-edukasyon at kalusugan ipinamahagi sa mga benepisyaryo ng PAMANA- MNLF

(Midsayap, North Cotabtao/ August 20, 2015) ---PINANGUNAHAN ng Office of the Presidential Adviser on the Peace Process o OPAPP ang pamamahagi ng suportang pang- edukasyon at kalusugan para sa mga dependents ng Moro National Liberation Front o MNLF members dito lalawigan ng North Cotabato.

Ipinamahagi ang PhilHealth Cards, Member Data Records o MDR, at Notice of Scholarship Grant sa mga benepisyaryo ng Payapa at Masaganang Pamayanan o PAMANA ng OPAPP sa isinagawang awarding ceremony kamakailan sa Kapayapaan Hall ng opisina ni  Cong. Jesus Sacdalan dito sa bayan. Mismong mga kinatawan ng PhilHealth at Commission on Higher Education o CHED ang namahagi ng mga nasabing health and educational support sa mga benepisyaryo.

Nagbigay din ng orientation ang PhilHealth kaugnay ng kanilang mga serbisyo partikular ang iba’t- ibang health packages na maaring pakinabangan ng mga benepisyaryo.

Samantala, ibinahagi rin ng CHED ang mga nakapaloob sa education study grant ng mga PAMANA- MNLF beneficiaries. Kabilang na rito ang CHED priority courses, financial benefits at grounds for termination of study grant.

Kaugnay nito ay inihayag ni OPAPP Director for Mindanao Jhunnel Raṅeses na ang mga gawaing ito ay may kinalaman sa pagpapatupad ng 1996 Peace Agreement sa pagitan ng gobyerno at MNLF. Roderick Rivera Bautista