Magkahiwalay na pamamaril sa Estudyante at Barangay Kagawad, sa Datu Piang, Maguindanao, patuloy na iniimbestigahan

(Maguindanao/ September 5, 2014) ---Napatay ang 15-anyos na hayskul student at barangay kagawad sa naganap na magkahiwalay na karahasan sa Barangay Kanguan, bayan ng Datu Piang, Maguindanao kamakalawa.

Kinilala ni P/Insp. Roldan Kuntong ang mga biktima na sina Datukung Kasim, 2nd year high school; at Kagawad Datuhan Kiton Haron, 36, ng Barangay Liong.

Base sa police report, si Kasim ay niratrat habang nakasakay sa traysikad habang sugatan naman ang 9-anyos na driver ng traysikad.

Samantala, niratrat at napatay si Kagawad Haron sa bahagi ng Datu Piang Avenue kung saan nakatakas naman ang gunmen na lulan ng motorsiklo. Rhoderick Beñez