PESO Office ng LGU Kabacan, tumatanggap na ng mga aplikante para sa Special Program for the Employment of Students o SPES

(Kabacan, North Cotabato/ February 21, 2014) ---Tatanggap na ng mga aplikante ang Public Employment and Services Office ng Kabacan para sa Special Program for the Employment of Students o SPES simula ngayong Lunes February 24.

Ito ayon kay SPES Coordinator Geraldine Manuel na layon nito na matulungan ang mga estudyanteng walang kakayahan na makabayad ng kanilang matrikula o pantustos sa pag-aaral.

Aniya kabilang sa mga qualifications ng programa ay: graduating student at college student lang na residente ng Kabacan ang pwedeng mag-apply; ang mga aplikante ay dapat walang INC o bagsak na grado sa nakaraang school year o semester; ang mga aplikante ay dapat hindi beneficiary ng kahit anong scholarship program at higit sa lahat dapat magpakita sila ng Income Tax Return ng kanilang magulang o guardian.

Magtatapos ang filling-up ng SPES Application form ngayong darating na March 31, 2014 at magsisimula ang summer job sa April 20, 2014. Ruvey Mae Pagaran, para sa DXVL News!