Police Box Operation sa Kidapawan City, balik normal na!

(Kidapawan city/ November 7, 2013) ---Balik-normal na ang operasyon ng mga police box na nasa sentrong bahagi ng Kidapawan City.

Ito ang ipinahayag ni Kidapawan City Police Director Leo Ajero matapos dumating ang 80 PNP personnel na ipinadala sa ARMM noong October 28 Barangay elections.

Ayon kay Ajero,ipinadala ang nasabing mga personnel bilang augmentation force sa mga probinsya ng Lanao del Sur at Maguindanao kaya’t pansamantalang naparalisa ang deployment ng mga pulis sa kanilang designated police box.

Ginawa ng opisyal ang pahayag dahil sa mga reklamo ng ilang residente tungkol sa umano’y bakanteng police box sa Quezon Boulevard sa lungsod ng Kidapawan.

Samantala, sugatan ang isang lalaki matapos masangkot sa isang riot sa Sinsuat Street, Kidapawan City kamakalawa ng hapon.

Kinilala ang biktima na si Reynate Uyanun,28-anyos, at residente ng nabanggit na lugar.

Ayon sa report, nagkaroon ng di pagkakaunawan ang grupo ng magbabarkada na nagresulta sa pananaksak ng ice pick ng isa sa mga suspek sa biktima.

Nagtamo ng sugat sa mata ang biktima na agad namang dinala sa pinakamalapit na ospital.

Pinaghahanap na ngayon ng mga otoridad ang suspek.