Comelec Kabacan, nagpaliwanag hinggil sa proseso ng pag-release ng honorarium ng mga BETs sa Kabacan

(Kabacan, North Cotabato/ November 7, 2013) ---Iginiit ngayon ni Kabacan Election Officer Gideon Falcis na first come First Serve Basis ang ginagawa nila sa pag-release ng mga Honorarium ng mga gurong nagsilbing Board of Election Tellers nitong nakaraang halalang pambarangay.

Ito ang naging paliwanag ng opisyal matapos na may ilang mga gurong nagreklamo sa diumanoy kawalan ng istratehiya sa pag-release ng kanilang mga Honorarium.

Sinabi ni Falcis na di nila kaya ma-i-release ang honorarium ng abot sa 399 na mga BETs sa isang araw lamang.

Noong Martes abot sa 108 na mga Board of Election Tellers na ang nakatanggap ng kanilang P2,500 na cash bilang honorarium.

Kahapon ng hapon ay nasa 70 porsiento na ang nakakuha ng kanilang bayad sa Comelec Kabacan, ayon kay Falcis.

Sinabi ng Comelec Kabacan na, magpakita lamang sila ng kanilang Appointment letter, mag-lagda ng masterlist at agad na makukuha ang nasabing halaga ng pera. Rhoderick Beñez