SONA ni Pnoy; bagsak sa Kabataan Partylist sa North Cotabato

(Kabacan, North Cotabato/ July 23, 2013) ---Bagsak ang grado ng Pangulong Aquino sa katatapos na State of the Nation Address o SONA nito mula naman sa hanay ng mga progresibo at militanteng Kabataan dito sa North Cotabato.

Ayon sa tagapagsalita ng Kabataan Partylist North Cotabato chapter Jamelon Ariraya, gradong tres lamang ang ibinigay nilang marka sa Pangulo.

Ito makaraang di umano nasagot ang hinaing ng mga kabataan tungo sa isang makamasang edukasyon.

Sa kanya namang mensahe, sa larangan ng edukasyon, pinagsisikapan namng itaas ng Pangulo ang kalidad na edukasyon para pagkatapos mag-aral ay mapanghawakan nila ang mga opurtunidad na bubukas sa lipunan.

Binanggit din nito ang mga minana nitong kakulangan sa mga libro at mga upuan sa mga paaralan. (Rhoderick Beñez)