Pinakamalaking kuta ng NPA sa North Cotabato; nakubkub ng mga militar

(Magpet, North Cotabato/July 17, 2012) ---Nakubkob ng mga sundalo ng 57^th Infantry Battalion ang isa sa pinakamalking kampo ng New People’s Army sa isang bulubunduking lugar sa bayan ng Magpet, kahapon.

Ayon kay 57^th IB Commanding Officer Lt. Bruno Hugo, ang nasabing kampo ng mga rebelde ay nasa kontrol na ngayon ng mga militar na nasa Sitio Bantaan, Barangay Bagumbayan, isa sa mga lugar sa bayan ng Magpet na sinasabing impluwensiyado ng mga New Peoples’ Army (NPA).

Sinabi ni Hugo na nagsimula ang palitan ng putok sa magkabilang panig alas 10 ng umaga kahapon.

Dakong 1:30 ng hapon kahapon ng tuluyang makontrol ng mga militar ang pinakamalaking kampo ng militar sa Barangay Bagumbayan.

Dagdag pa ng opisyal na narekober nila matapos ang nasabing bakbakan ang mga personal na gamit ng mga NPA at ilang mga dokumento kungsaan abot sa mahigit sa tatlong daang mga rebelde sinasabing kumukuta sa nasabing kampo. (Rhoderick Beñez)