29 na porsiento ng brgy sa bayan ng Kabacan; apektado ng sakit na Dengue ngayong 2nd quarter ng taon

(Kabacan, North Cotabato/July 17, 2012) ---Abot sa dalawampu’t siyam na porsiento ng mga brgy sa bayan ng Kabacan ang apektado ng sakit na dengue ngayong ikalawang quarter ng kasalukuyang taon.

Ayon kay Municipal Disease Surveillance Officer Honey Joy Cabellon base sa kanilang data, labin limang mga bata edad apat hanggang labin walong taong gulang ang karamihang apektado ng nasabing sakit.

Sakop nito ang buwan ng Abril hanggang buwan ng Hunyo kungsaan abot sa dalawampu’t lima ang namonitor sa nasabing sakit.

Ayon kay Cabellon, ang brgy Poblacion pa rin ang may pinakamataas na bilang kungsaan abot sa 14 na kaso ang naitala, sinundan ito ng brgy Kayaga.

Sa ngayon payo naman ni Municipal Health Officer Sofronio Edu sa mga residente na panatilihing malinis ang paligid sa loob at labas ng mga bahay. (Rhoderick Beñez)