Dagdag na automated teller machines ng Land Bank hiniling na itayo sa bayan ng Kabacan, N Cotabato

(Kabacan, North Cotabato/March 28, 2012) ---Hiniling ng Municipal Peace and Order Council o MPOC ang paglalagay ng dagdag na automated teller machines ng Land Bank sa Kabacan, North Cotabato.

         

Ito ay para maiwasan ang mahabang pila kapag panahon ng release ng cash grants sa libu-libong benepisyaryo ng Pantawid Pamilyang Pilipino Program o 4Ps sa naturang bayan.

         

Sa ngayon, abot sa limang libo ang mga grantee ng 4Ps sa Kabacan.

         

Ang ilang mga benepisyaryo ng 4Ps na mula sa mga bayan ng Pikit at Carmen ay sa bayan ng Kabacan pa nagpupunta para lang kunin ang kanilang cash grants.

         

Ang Pikit ay may mahigit 10 libo na grantee ng 4Ps, samantalang mahigit 5 libo ang mula sa Carmen.

         

Hindi pa maliwaw kung may sagot o tugon na ang Land Bank sa kahilingan ng MPOC.