Mga gumagamit ng bora-bora na tambutso sa Kidapawan City, binalaan ng TMU

(Kidapawan City/ November 5, 2015) -Binalaan ng Traffic Management Unit ng Kidapawan ang mga gumagamit ng bora-bora o open pipes mufflers na kukumpiskahin ng TMU ang kanilang motorsiklo.

Ang hakbang ay ginawa ng TMU matapos na pinasagasaan sa pison ang limang daang mga bora-bora na tambutso sa harap ng Kidapawan city hall.

Ito ay bahagi naman sa mas pinaigting na kampanya ng Kidapawan LGU katuwang ang City PNP at Traffic Management Unit o TMU laban sa mga maiingay na motorsiklo.

Ayon kay TMU head Rey Manar resulta ito sa kanilang mga isinisagawang operasyon hindi lamang sa National Highway kundi maging sa mga liblib na area ng lungsod.

Ang mga pinasagasaang bora-bora ay mula sa siyam na buwang operasyon ng mga otoridad na nagkakahalaga ng higit tatlong milyong piso.