PNP Carmen, blanko pa sa pagbaril patay sa isang Tricycle Driver

(Carmen, North Cotabato/ October 1, 2015) ---Patay ang isang tricycle driver matapos pagbabarilin ng riding tandem criminals sa Datu Dima Street, Poblacion, Carmen, North Cotabato alas dos ng hapon kahapon.

Kinilala ang biktima na si Orlando Mantawil, 42 anyos, na taga Brgy Manarapan, Carmen.

Batay sa ulat habang ipinarada ng biktima ang kanyang motorsiklo at bumaba ay bigla na lamang itong dinikitan ng dalawang suspek na sakay rin ng motorsiklo at agad na pinagbabaril.

Hindi na nagawang makatakbo pa ang biktima matapos itong magtamo ng tama ng bala sa kanyang katawan sanhi ng kanyang agarang kamatayan. 

Agad namang tumakas ang mga suspek matapos ang krimen.

Sa ngayon blanko pa ang PNP sa motibo sa pamamaril habang patuloy na iniimbestigahan ang insidente. Rhoderick Beñez