Magsasakang may kasong attempted homicide, huli sa manhunt operation sa bayan ng Aleosan, Cot

By: Mark Anthony Pispis

(Aleosan, Cotabato/ March 12, 2015) ---Hindi na nakapalag pa ang isang magsasaka matapos itong mahuli sa mismong pamamahay nito sa Brgy. Dualing sa Bayan ng Aleosan, Cotabato alas 9:40 kahapon ng umaga.

Ayon kay PSI Arnel Melocotones, ang hepe ng Aleosan PNP ang suspek na isang Gilbert Mamites, 31 anyos, magsasaka at residente ng nasabing lugar.

Hinula ang suspek sa bisa ng warrant of arrest na inisyu ni Hon. Judge Charito de Guzman ng Municipal Circuit Trial Court ng Pikit-Libungan-Aleosan na may criminal case no. 2705 na may kasong attempted homicide.

Sa ngayon ay nakatakdang harapin ng suspek ang kaso nito habang nasa kustodiya ng Aleosan MPS.