Brgy. Kagawad at 8 mga kasama pa nito, pinagbabaril sa Matalam, Cotabato

(Matalam, North Cotabato/ September 8, 2014) ---Pinagbabaril ng mga armadong kalalakihan ang brgy. Kagawad kasama ang walong mga tauhan nito sa bahagi ng Purok 4, brgy. Estado ng Matalam, Cotabato alas 8:00 ng gabi nitong Sabado.

Sa ulat na ipinarating sa DXVL News ni SPO1 Froilan Gravidez ng Matalam PNP kinilala ang biktima na si Kagawad Florencio Pepito kasama ang mga phinante nito.

Ayon sa report, galing sa sakahan ng pamilya Pepito ang mga biktima at magluluwas sana ng mga Gemilina logs ng pagbabarilin ang mga ito ng mga di pa nakilalang armadong grupo.

Wala namang may nasawo o nasaktan sa insidente maliban lamang sa naging tensyunado ang lugar.

Pinaniniwalaang land conflict ang isa sa mga motibo sa nasabing pangyayari.

Sa ngayon patuloy pa ang ginagawang imbestigasyon ng mga otoridad. Rhoderick Beñez