22-anyos na lalaki, nahulihan ng ipinagbabawal na gamot sa Kidapawan City

(Kidapawan City/ September 9, 2014) ---Kasong paglabag sa Republic Act 9165 ang kakaharapin ng isang 22-anyos na lalaki makaraang mahulihan ng ipinagbabawal na droga sa inilunsad na "kapkap bakal" sa Quezon Boulevard partikular sa harap ng Kidapawan city Sports Complex pasado alas 7:00 nang umaga kahapon.

Kinilala ng Kidapawan City PNP ang suspek na si Rex Mendoza Pason, 22 anyos, residente ng Barangay San Vicente, Makilala, North Cotabato.

Narekober ng mga pulis kay Pason, nakita ang isang sachet ng shabu at marijuana sa karton ng sabon na dala nito.

Sa ngayon ay nasa lock-up cell na ng Kidapawan city PNP si Pason at nakatakdang sampahan ng kasong paglabag sa Republic Act 9165. Rhoderick Beñez