‘Listahanan’ database malaking tulong sa social services and support programs ng Distrito Uno

Written by: Rod Rivera Bautista

Magiging malaking tulong umano ang data base na inilabas ng Department of Social Welfare and Development o DSWD XII sa social services and support programs ng Unang Distrito ng North Cotabato.

Ito ang inihayag ng opisina ni Rep. Jesus Sacdalan matapos matanggap mula sa DSWD XII ang Listahanan data base na mas kilala dati sa tawag na National Household Targeting System for Poverty Reduction o NHTS- PR.

Mahalaga umano ang Listahanan para matukoy kung sino at saan nakatira ang mga mahihirap partikular sa PPALMA area.

Magsisilbi rin itong gabay kung sino ang nararapat na maging benepisyaryo sa itinataguyod na social services and support programs sa Distrito Uno. PPALMA DXVL NewsCorrespondent