(Amas, Kidapawan City/ January 6, 2014) ---Ngayong araw
ang simula ng klase sa lahat ng antas ng mga mag-aaral ng Department of
Education kasama na rin dito ang sa kolehiyo.
Ayon kay Deped Cotabato Division Supt. Omar Obas
nakahanda na ang kanilang pamunuan sa pagbabalik eskwela ng libu-libong
mag-aaral ng Cotabato Division.
Kaugnay nito, ngayong taon din isasagawa ang balsahan sa
hanay ng mga District Head Supervisor sa buong Division.
Katunayan aniya, ay inihahanda na nito ang
mga bagong assignments ng mga District Supervisor.
Maliban dito, sinabi ni Obas na may bagong
distrito na rin silang binuo at ipatupad ngayong taon sa bayan ng Tulunan at
tatawaging “Tulunan East District”.
Samantala, tiniyak din ng opisyal na walang
mawawalan at matatanggal sa trabaho sa DepEd Cotabato Division matapos na
ipatupad ang Rationalization System sa kanilang ahensiya. Rhoderick Beñez
Walang komento:
Mag-post ng isang Komento