P340M proposed infra programs, tinukoy ng DPWH- Cotabato 2nd Eng’g District Office

(Midsayap, North cotabato/ June 20, 2013) ---Nagpapatuloy ang gawain ng Department of Public Works and Highways o DPWH sa Lalawigan ng North Cotabato kaugnay ng mga pangunahing proyekto na nais nilang ipatupad sa taong ito.

Tinukoy ni District Engineer Doroteo Ines Jr. ang karagdagang P340 M proposed infrastructure programs para sa unang distrito ng lalawigan.

Kabilang dito ang pagsasaayos ng 9.45 kilometrong kalsada sa Malitubog-Tambunan Section at concreting ng 4.9 kilometrong kalsada sa Agoo Section sa kahabaan ng Banisilan-Guiling,Alamada-Libungan Road na abot sa tig- P125 Milyon na proposed budget.

Kabilang din sa nais mapondonhan ng DPWH ay ang concreting of 372.8 meter- road sa Raradangan Bridge section na nasa bahagi naman ng Barangiran-Dado-Dulao Agri-Tourist Road.

Mangangailangan ito ng pondong P40 M.

Samantala, abot sa P50 M ang kakailanganin upang maipatupad ang konstruksyon ng Tunggol River Bank Protection sa kahabaan ng Davao-Cotabato road.

                           

Una nang isinumite ng Cotabato Second Engineering District Office sa opisina ng Unang Distrito ng North Cotabato ang mga proyektong pang-imprastraktura para sa fiscal year 2013.

Sisikapin naman umano ng tanggapan ng unang distrito na ilatag ang proposed projects na ito para sa karampatang aksyon ng pamahalaang nasyunal. (Roderick Bautista)