(Kabacan, North Cotabato/ June 4, 2013) ---Patay
ang apat katao kasama na ang isang taong gulang na bata habang sugatan naman
ang abot sa lima katao makaraang masangkot sa isang vehicular accident ang mga
ito sa Landasan, Maguindanao partikular sa labas ng Amir Bara Lidasan National
High School alas 2:30 ngayong hapon lamang.
Bagamat walang pagkakakilanlan ang mga
biktima dead on spot ang mga ito makaraang masangkot ang dalawang sasakyan sa
nasabing aksidente.
Galing umano sa Malabang ang Toyota Innova ng
aksidenteng mabangga sa 10 wheeler truck na tinatahak ang kahabaan papuntang
Parang, Maguindanao.
Mabilis namang isinugod ang mga sugatang
pasahero sa pinakamalapit na bahay pagamutan.
Sa ngayon nagpapatuloy pa ang imbestigasyon
ng mga otoridad sa nasabing pangyayari. (Rhoderick Beñez)
Walang komento:
Mag-post ng isang Komento