(Midsayap, North Cotabato/ April 15, 2013)
---Umaaasa ang mga residente ng Barangay Nalin sa Midsayap, North Cotabato na
masisimulan na ang Nalin Flood Control Project pagkatapos ng gaganaping
eleksyon ngayong Mayo a-13.
Kaugnay ng mas lumalalang pagguho ng pampang
ng Libungan River sa bahagi ng nabanggit na barangay ay gumawa na ng kaukulang
aksyon ang Department of Public Works and Highways o DPWH Cotabato Second
Engineering District.
Nagsumite na ng kaukulang dokumento ang
opisina ni District Engr. Doroteo Ines Jr. na humihiling kay DPWH Secretary
Rogelio Singson upang mapondohan ang nasabing flood control project, ito ayon
sa report ni PPALMA News Correspondent Roderick Bautista.
Abot sa 50 milyong piso ang kinakailangang
pondo upang maipatupad ang konstruksyon ng river bank protection at spur dike
structures sa lugar.
Ikinagalak naman ni Nalin Barangay
Chairperson Melquiades Cagang ang inisyatibong ito ng DPWH.
Ayon kay Chairman Cagang, pinapasalamatan
nila ang pagpupursige ni North Cotabato First District Cong. Jesus Sacdalan
dahil sa pagpupursige nitong maimplementa ng DPWH ang proyekto sa lalung
madaling panahon.
Kung magtuloy-tuloy ang pagguho ng riverbank
ay maaring masira ang daan- daang ektarya ng palayan na ikinababahala ngayon ng
mga magsasaka sa lugar.
Walang komento:
Mag-post ng isang Komento