Ilang mga opisyal ng CRAA nakaranas ng hypertension

(Amas, Kidapawan City/ March 4, 2013) ---Nakaranas ng hypertension ang ilang mga opisyal ng Cotabato Regional Athletics Association o CRAA meet sa nagpapatuloy na laro simula Pebrero a-28.     

        

Ito dahil sa matinding init na nararanas ilang araw ng mag-umpisa ang kompetisyon.                                                           

                                                                   

Una dito, naireport ng Department of Education Nurse Liza Bacundo na 16 na mga atleta ng CRAA ang nabigyan ng medical na atensiyon dahil sa mga sugat na tinamo nila habang nagpapatuloy ang laro.                   

                                      

Nabali ang braso ng isang atleta ng South cotabato Division na si Allysa Joy Dolorosa habang naglalaro ng volleyball kahapon. 

                                                           

Agad namang siya’ng binigyan ng pangunang lunas. 

                                                      

Samantala, sa resulta kahapon nakakuha ang koponan ng Cotabato Province ng apat na medalya mula sa iba’t-ibang mga sports at athletic events. (Rhoderick Beñez)