Kaltas sa bonus para ipambayad sa medical insurance inirereklamo nang ilang mga empleyado ng Kidapawan City LGU

(Kidapawan City/December 27, 2012) ---Hindi sang-ayon ang ilang mga empleyado nang Kidapawan City LGU sa mandatory deduction nang halagang P 3000 mula sa kanilang year-end bonus bilang pambayad sa medical insurance.

          

Ayon sa reklamo nang mga empleyado, hindi na umano tinatanggap nang mga hospital sa Kidapawan City ang binayaran nilang Medicard sa di nabanggit na kadahilanan.

          

Kaya naman para sa mga nagrereklamong empleyado, hindi na makatarungan ang pagbabawas sa kanilang bonus dahil di rin naman magagamit ang napiling health facility.

          

Tumanggap nang P 15,000 bilang bonus ang bawat empleyado nang LGU Kidapawan at ibinawas dito ang P 3,000 na pambayad sa Clinicard.

          

Nakatakda naman umanong magbigay nang tugon ang mga opisyal nang Kidapawan City Government Employees Association o KCGEA na siyang kumuha sa serbisyo nang Clinicard.