Apat na libong puno itinanim ng mga pulis sa provincial headquarters ng Cotabato PNP sa Kidapawan City

(Amas, Kidapawan City/June 19, 2012) ---Sama-samang nagtanim ng abot sa apat na libong seedling ng mga fruit-bearing tree at iba pang specie ng mga puno ang itinanim ng mga pulis sa 3.7 ektaryang bakanteng lote sa provincial headquarters ng Cotabato Provincial Police Office sa Amas Complex, Kidapawan City.

Nanguna sa tree planting activity si Sr. Supt. Cornelio Salinas, ang provincial director ng Cotabato PNP, katuwang ang abot sa 300 mga pulis sa buong lalawigan.

         

Bahagi raw ito ng ika-114 na anibersaryo ng Araw ng Kalayaan na dapat ay noong June 12 isinagawa pero naudlot dahil sa masungit na panahon.

         

Sinabi ni Chief Inspector Bernard Tayong, ang head ng police community relations ng Cotabato PNP, na ang tree planting activity nila noong Sabado ay bahagi ng kanilang kontribusyon sa kampanya ng gubyerno na pangalagaan ang kalikasan. (MCM)