Sniffing dog ng Kabacan PNP, dumating na!

(Kabacan, North Cotabato/May 21, 2012) ---Dumating na kahapon ng umaga ang K-9 unit o sniffing dog na inisyu ng Camp Crame sa Kabacan PNP.

P01 Philip Genove, K-9 handler

Ayon kay P01 Philip Genove, K-9 handler, nagkakahalaga ng kalahating milyon ang nasabing aso na may lahing Beljan Shepherd.

Mismong ang handler nito ang sumundo sa pier sa General Santos city dakong ala una ng umaga kahapon.

Ang mga sniffing dogs ay ginagamit sa pagdedetermina kung ang isang bagay ay positibo sa IED o anumang mga illegal na laman.

Ito ay kung tatagal o uupo ang nasabinga aso sa nasabing bagay.

Sa ngayon ay may isang taong supply ng pagkain ang nasabing aso mula sa camp crame at posibleng sasaluin naman ng LGU-Kabacan ang maintenance ng nasabing sniffing dog. (Rhoderick Beñez)