Paglalagay ng geothermal Power Plant sa Mt. Apo; hinihikaya’t ng isang Judge sa pamunuan ng Coteco

(Matalam, North Cotabato/May 11, 2012) ---Para kay Judge Alexander Yarra, naging intervener ng isinagawang Public Hearing ng Cotabato Electric Cooperative o Cotelco, nitong Miyerkules mas mabuti anyang isusulong ng kooperatiba ang paglalagay ng geothermal Power Plant sa Mt. Apo na patatakbuhin ng Cotelco upang magkaroon ng sapat na supply ng kuryente sa North Cotabato.

Ito ang naging reaksiyon ng opisyal sa isinagawang public hearing ng Cotelco hinggil sa balak na dagdag singil sa bayarin ng kuryente sa susunod na limang taon na .37 centavos kada kilowatt hour.

Matapos dinggin kamakalawa ng Energy Regulatory Commission ang ERC Case No. 2012-025 ng Cotelco sa Manubuan, Matalam.

Isinasaad kasi sa nasabing resulosyon ang CAPEX na gagastusin ng kooperatiba sa pagsasaayos ng mga sub-station, transmission at iba pang pasilidad upang sa gayun ay maibibigay ng Cotelco ang kalidad na serbisyo at maiwasan ang mga unplanned sa brown-outs sa mga service area nila.

Posibleng makakalikom ang Cotelco ng abot sa 7B sa susunod na limang taon.

Pero, para kay Judge Yarra, hinikaya’t nito ang kooperatiba na maglalagak ng puhunan sa pagpapatayo ng Geothermal Power Plant na mismong ang kooperatiba ang personal na magpapatakbo upang magkaroon ng sapat na supply ng kuryente ang probinsiya at maari pa aniyang magiging income generating project.

Kaugnay nito, pag-aaralan naman ng pamunuan ng Cotelco ang nasabing hakbang bagama’t nakatuon ang kooperatiba sa distribution na siyang pangunahing serbisyo na ibinibigay nila. (Rhoderick Beñez)