Kabacan Pilot Central School at Kabacan National High School kampeon sa magkahiwalay na kategorya ng Drum and Lyre Corps Competition

Photo: Roderick Bautista 

(Kabacan, North Cotabato/ August 17, 2015) ---Nagtagisan ng galing ng galing sa pagtugtog ng instrumento at pagsayaw ang kabataang Kabakenyos sa  2015 Kapagayan Festival Drum and Lyre Corps Competition na idinaos nitong weekend sa Kabacan Municipal Plaza.

Grand Champion sa elementary level ang  Kabacan Pilot Central School, 2^nd Place ang USM Elementary Annex at 3^rd Place naman ang Kabacan Wesleyan Academy

Sa secondary level category naman ay inuwi ng Kabacan National High School Drum and Lyre Corps ang champion trophy, 2^nd place ang  Kabacan Wesleyan Academy at 3^rd Place ang Saint Luke’s Institute.

Dahil sa napagandang presentasyon at aktibong partisipasyon ng mga kabataan ay dinagdagan ng lokal na pamahalaan ng kabacan ang papremyo sa Drum and Lyre Corps Competition na lubos naming ikinatuwa ng mga kalahok.

Sa kanyang mensahe ay sinabi ni Kabacan Mayor Herlo Guzman na sinisikap ng lokal na pamahalaan na maging mahusay upang lalo pang mapaunlad ang bayan ng Kabacan.

Kamakailan lamang ay itinanghal na Top 4 Most Competitive Municipality ang bayan ng Kabacan sa buong Pilipinas. Roderick Rivera Bautista