Granada at isa pang eksplosibo, narekober sa isang barangay sa Matalam

(Matalam, North Cotabato/ August 27, 2015) ---Inaalam na ngayon ng Matalam PNP kung sinu o anung grupo ang nag-iwan ng mga explosibo sa isang palm oil plantation na nasa Upper Valdevieso, Brgy. New Bugasong, Matalam, Cotabato ala 1:30 ngayong hapon lamang.

Sa report na nakarating kay PCI Elias Diosma Colonia, hepe ng Matalam PNP narekober ang isang M2O3 40MM Projectile at isang granada sa naturang lugar partikular sa plantasiyon ni Atty. Cerebo.

Agad namang na-detonate ng ilang mga elemento ng bomb squad ng 57^th IB, Philippine Army.

Ayon kay SPO1 Froilan Gravidez ng Matalam PNP isang magsasaka umano sa lugar ang nakikita ng naturang pampasabog kaya agad niya itong inireport sa kanilang brgy. Kagawad sa West Patadon.

Inaalam pa ngayon ng Matalam PNP kung anu ang motibo ng mga suspek sa paglalagay ng pampasabog.

Malaki ang paniniwala ng pulisya na posibleng pananakot lamang ang motibo ng mga suspek dahil di naman ito pinasabog. Rhoderick Beñez