Purok Masagana at ilang kalye sa bayan ng Kabacan binaha

(Kabacan, North Cotabato/ June 26, 2015) ---Binaha ang Purok Masagana at ilang kalye sa Bayan ng Kabacan dahil sa ilang araw na pag-ulan.

Sa panayam ng DXVL news kay Purok Masagana President Samuel Dapun inihayag nitong apektado ng pagbaha ang purok Masagana dahil sa tubig ulan.

Aniya, umapaw ang kanal dahil sa pag ulan at sa pagbara ng mga basura sa mga kanal.

Ang purok Masagana umano ang tagbuhan ng mga tubig ulan dahil walang exit o daluyan ang tubig mula sa ibang kalye.

Nililinis at tinatanggal na lamang nila umano ang bumabara na basura sa mga kanal upang di lumala ang baha sa kanilang lugar. 

Nanawagan si Dapun sa LGU Kabacan na sana’y solusyunan at ayusin na ang problema sa pagbaha sa kanilang purok. Christine Limos