Bigo sa pag-ibig dalagita, nagpatiwakal!

By: Christine Limos

(North Cotabato/ April 20, 2015) ---Kusang nagpasalubong kay kamatayan ang isang 16-anyos na dalagita makaraang kitlin nito ang sariling buhay dahil sa kabiguan sa pag-ibig pamamagitan ng pagpatiwakal sa tinitirhan nito sa RH 11 sa Cotabato City, Maguindanao kahapon.

Batay sa ulat, alas 4:00 na ng hapon kahapon ng madiskubre na nakabitin ang biktimang si alias “Langga”, hindi niya tunay na pangalan, sa isang nylon belt na nakatali sa pinto ng kusina at naka pulupot sa kanyang leeg ang kabilang dulo.

Nabatid na fresh graduate ng Laboratory High school sa lunsod ang biktima nitong buwan lamang ng Marso.

Ayon sa ulat, wala sa bahay at nasa pinapasukang trabaho ang kanyang tiyahin noong Sabado at pansamantalang wala din sa bahay ang katulong.

Tanging kasama lamang nito ang limang taong gulang na batang lalaki na ampon naman ng kanyang tiya.

Pinatulog pa umano ng biktima ang bata bago ginawa ang pagpapatiwakal.

Dakong alas kwatro na ng hapon ng magising umano ang bata bago nadiskubre ang ginawa ng biktima.

Kumuha umano ng silya ang bata bago pinutol ang belt gamit ang gunting.