Magsasaka, kinatay ng kabaro

(North Cotabato/ January 13, 2015) ---Patay ang isang lalaki matapos saksakin ng kapwa nito magsasaka sa Sitio Basak, Brgy. Baguer, Libungan North Cotabato alas 7:30 ng kamakalawa ng gabi.

Kinilala ng Libungan PNP ang biktima na si Dione Octavio Nocillas, 38 anyos, may asawa, magsasaka at residente ng nasabing lugar.

Kinilala naman ni SPO3 Alipio T. Lomarda ng Libungan PNP ang suspek na si Sanny Relas,  23 anyos, binata , magsasaka at residente ng parehong lugar.

Ayon sa imbestigasyon, ang biktima ay sinaksak sa tiyan ng suspek at agad namang isinugod sa Mt. of Blessings Hospital, Libungan Cotabato ngunit ideneklarang dead on arrival ng attending physician.

Sa ngayon nasa kustodiya na ng pulisya ang suspek at nagpapatuloy ang malalimang imbestigasyon hinggil sa pangyayari. Christine Limos