IED, narekober malapit sa bahay ng Alkalde

(North Cotabato/ January 12, 2015) ---Muling nasilat ang tangkang pagpapasabog sa bayan ng Midsayap makaraang marekober ang itinanim na Improvised Explosive device o IED sa hangganan ng barangay Poblacion 7 at Central Glad.

Sa report ng Midsayap PNP, pasado alas otso kagabi nang makatanggap sila ng tawag mula sa isang concerned citizen hinggil sa pagkakatagpo ng kahina hinalang bagay na pinaniniwalaan nilang bomba.

Agad nagtungo sa lugar ang mga pulis at EOD team at nadiskubreng positibo ang report habang wala na duon ang mga suspek na pinaniniwalaang nag assemble nang naturang pampasabog.

Ang nasabing Unexploded improvised ay gawa sa 81 millimeter mortar sa boundary ng barangay Poblacion 7 at Central Glad.

Ang bomba ay itinanim hindi kalayuan sa bahay ni Midsayap Mayor Romeo Araña.

Walang pang grupo na umamin ng nasabing pagtatanim ng IED. Rhoderick Beñez