Food-For-Work activities sa Pigcawayan, North Cotabato sisimulan na

By: Roderick Rivera Bautista

(Midsayap, North Cotabato/ January 9, 2015) ---Sisimulan na ang orientation kaugnay ng Food-For-Work activities na ipapatupad sa iba’t- ibang barangay at service areas ng irrigators associations sa bayan ng Pigcawayan, North Cotabato.

Gaganapin ang orientation sa susunod na linggo sa pangunguna ng tanggapan ni North Cotabato First District Rep. Jesus Sacdalan kasama ang mga kinatawan ng Department of Social Welfare and Development o DSWD Regional Office XII mula sa Koronadal City.

Kabilang sa mga beneficiary barangays ng food-for-work activities ay ang South Manuangan at Banucagon sa Pigcawayan. Kasama na rin ang irrigators association sa nasaning bayan sa ilalim ng Libungan River Irrigation System o LibRIS partikular ang LibRIS Division 1-B IA sa Bulucaon at MidBal IA sa Midpapan I.

Pangunahing aktibidad sa food-for-work ay ang pagsasaayos ng daluyan ng patubig at rehabilitasyon ng ilang irrigation canals.

Nabatid na sa ilalim ng food-for-work scheme, tatanggap ang bawat benepisyaryo ng bigas bilang insentibo sa trabahong kanyang natapos.