1 utas, 3 sugatan sa karahasan

(North Cotabato/ January 20, 2015) ---Napatay ang 29-anyos na lalaki matapos barilin ng di- kilalang gunman sa bisinidad ng spring site sa Barangay Bagua Tres Cotabato City, Maguindanao kamakalawa.

Sa inisyal na imbestigasyon ng pulisya,  nakaupo lamang ang biktimang si Gilbert Samuigid Torquido nang bigla na lamang itong lapitan at barilin sa ulo ng gunman.

Samantala, sugatan naman ang dalawang lalaki at isang estudyante matapos pagbabarilin sa Doña Blanco St. sa Barangay Poblacion 4  kamakalawa ng gabi.

Kinilala ang mga nasugatan na sina Julius Parangan Vaccarro, 36; Antonio Basaya Sarimos, 31; at  ang estudyanteng si Jeremy Salem Villasis, 25, na tinamaan sa kanang hita habang nagla-lakad. 

Nabatid na nakatayo sina Vaccarro at Sarimos habang nakikipag-usap sa kanilang mga kaanak nang lapitan ng pagbabarilin. Agad na tumakas ang gunman lulan ng motorsiklo sa direksyon ng public market sa nasabing lungsod. Rhoderick Beñez