By:
Mark Anthony Pispis
(Kabacan, North Cotabato/ September 4, 2014)
---Tiklo ang dalawang mister matapos na maaresto sa Barangay Kayaga Kabacan,
Cotabato alas 10:00 ng umaga kahapon.
Kinilala ng Kabacan PNP ang mga suspek na
sina Romnick Fernandez, 22 taong gulang, may asawa at residente ng Alamada,
North Cotabato at isang Bimboy Relos, 19 taong gulang, binata at residente ng
Don Carlos, Bukidnon.
Ayon sa inisyal na imbestigasyon, ang dalawa
ay pinaghahanap din umano ng Tacurong PNP matapos na saksakin ng mga ito sa ulo
ang isang Johnson Monteclaro at kinuha din ng mga ito ang hindi pa matukoy na
halaga ng salapi ng biktima sa San Pablo Tacurong City alas 11:30 kamakalawa.
Nakatanggap umano ng report ang Tacurong PNP
mula sa pamilya ng biktima na ang mga suspek ay huling namataan ditto sa bayan
ng Kabacan.
Agad na nakipagpag ugnayan ang Tacurong PNP
sa Kabacan PNP para sa agarang pagkakadakip ng mga suspek. DXVL News
Walang komento:
Mag-post ng isang Komento