Imahen ng Sto. Niño na nagpapagaling sa Tampakan, South Cotabato, nadagdagan pa

(North Cotabato/ July ) --- Matapos na magpagaling ng maraming deboto ang isang imahen ng Sto. Niño, nadagdagan pa ng dalawang imahen ang nakakagamot umano ng mga sakit mula sa Purok Mabini, Barangay Kipalbig, Tampakan, South Cotabato.

Una rito, sinasabing nagpakita ng milagro ang Sto. Niño sa pamamagitan ng paggalaw at pagsasayaw na dinarayo ng mga tao matapos kumalat ang balita na nakapagpapagaling ito.

Sa ngayon, maliban sa Sto. Niño, pinanininiwalaang nakapagpagaling na rin ang mga kasamahan nitong imahen ng Divine Mercy at Our Lady of Fatima na pawang pagmamay-ari ni Nene Dizon ng nasabing lugar.

Ayon kay Kipalbig Barangay Chairman Alexi Cariaga, sinabi nito na hindi bababa sa 300 katao ang dumarayo sa kanilang lugar kada araw upang magpagamot sa nasabing mga imahen.

Sinabi ni punong barangay na bukod sa tatlong imahen kasama na rin sananggagamot ang may-ari nitong si Dizon mula alas-2:00 hanggang alas-6:00 ng hapon.

Hindi rin umano maipaliwanag at maalala ni Dizon ang kanyang sinasabi o ginagawa sa tuwing nanggagamot.

Ayon sa mga residente sa lugar, nag-iiba ang pag-uugali ni Dizon habang nanggamot at parang sinasapian ito ng Sto. Nino.

Nilinaw ni Cariaga na walang sinisingil na bayad sa sinasabing panggagamot. Rhoderick Beñez