ATI at USM magkasamang nagsagawa ng training para sa mga agriculture extension workers

(USM, Kabacan, North Cotabato/ July 10, 2014) ---Nagsagawa ng unang batch ng trainers’ training na may kaugnayan sa Methodologies and adaptation ang Agricultural Training Institute (ATI) sa Rehiyon XII sa pakikipagtulungan ng University of Southern Mindanao-extension Services Center sa ATI-Kabacan Training Center kamakailan.

Layunin ng training na mas lalong mapabuti pa ang extension delivery service para sa agricultural modernization.

Kabilang sa mga tinalakay na mga paksa sa nasabing training ay ang mga sumusunod: “New extensionist”, extension principle methods, the community-based extension delivery system, facilitation skills, facilitating the community-based extension process, community organizing, the training process, formulating a training design, organizing communities for land and natural resource management with Praticum, at visual aid presentation.

Dalawamput-dalawang (22) agricultural extension workers na nanggagaling sa North Cotabato ang kasali sa training. Sina Dr. Luz A. Taposok, Dr. Rosa fe D. Hondrade at Dr. Leonora P. Manero ng USM ang siyang naging resource persons sa nasabing training. Rhoderick Beñez with reports from Ruvey Mae Pagaran