Mga naapektuhan ng Landslide sa Arakan, North Cotabato umakyat na sa 38 Pamilya

(Arakan, North Cotabato/ June 23, 2014) ---Patuloy na nagpapaalala ngayon ang pamunuan ng North Cotabato Provincial Disaster Risk Reduction Council partikular na sa mga residente na malapit sa mga mababang lugar na maging alerto ngayong panahon ng tag-ulan.

Ginawa ni PDRRMC Head Cynthia Ortega ang pahayag sa DXVL Radyo ng Bayan matapos na sumampa na ngayon sa 38 mga pamilya ang naapektuhan ng nakaraang landslide sa Sitio Tinago sa brgy. Napaliko sa bayan ng Arakan.

Dahil sa nasabing insedente, maraming mga kabahayan at kabuhayan ang nasira kabilang na ang sakahang palay, mais, gulay kasama na ang ilang mga high value crops.

Sa ngayon agad namang nabigyan ng ayuda ng Pamahalaang Lokal ng Arakan ang mga residenteng naapektuhan ng nasabing landslide.

Maliban dito, may ilang mga lugar naman na tinamaan ng landslide at mga pagbaha sa bayan ng Pres. Roxas, Mlang at Kabacan. Rhoderick Beñez