Transmission Facilities ng NGCP sa Mindanao, nakahanda ngayong Semana Santa

(Kabacan, North Cotabato/ April 16, 2014) ---Tiniyak ng National Grid Corporation of the Philippines o NGCP na nakahanda ang kanilang pasilidad sa transmission ng kuryente ngayong Semana Santa.

Ito ang sinabi sa DXVL News ni NGCP, Regional Corporate Communications & Public Affairs Officer for Mindanao Milfrance Capulong dahil ito rin ang mandato ng kanilang kompanya bilang power transmission provider and system operator.

Sa kabila nito, aminado naman ang opisyal na posibleng makakaranas pa rin ng power interruption sa kuryente ang mga taga-Mindanao dahil sa mahigit 100MW ang kulang na kuryente sa Grid batay sa pagtaya hanggang sa katapusan ng buwan.

Sinabi ni Capulong, na umaabot sa 1,362MW ang peak demand ng Mindanao sa kasalukuyan habang abot lamang sa 1,264MW ang supply ng kuryente.

Ibigsabihin nito, hindi pa rin sapat ang supply ng kuryente sa Mindanao hanggang sa buwan ito. Rhoderick Beñez