Militar di pa rin nagbaba ng alerto sa kabila ng tapos na ang anibersaryo ng CPP-NPA-NDF; CAB, suportado!

(Kabacan, North Cotabato/ March 31, 2014) ---Iginiit ng militar na patuloy na naka-heightened alert ang tropa ng gobyerno tatlong araw matapos ang anibersaryo ng New People’s Army o NPA.

Ito ang sinabi sa DXVL News ni 602^nd Brigade Spokesperson Captain Antonio Bulao at tiniyak na naging maayos at mapayapa sa pangkalahatan ang erya ng 602^nd Brigade.

Ayon sa opisyal, sa kabila nito patuloy pa rin silang nakaalerto upang di mabigyan ng pagkakataon ang mga masasamang loob na makapag-hasik ng karahasan sa lugar.

Nagpasalamat din si Bulao sa suporta ng mamamayan sa katatapos na lagdaan ng Comprehensive Agreement on the Bangsamoro o CAB sa Malakanyang nitong nakaraang araw.

Umaasa ang opisyal na magtuloy-tuloy ito upang makamit na ang inaasam-asam na kapayapaan sa Mindanao. Rhoderick Beñez