Bagong Panganak na Sanggol, natagpuan sa isang CR sa Datu Montawal, Maguindanao

(Datu Montawal, Maguindanao/ November 23, 2013) ---Isang bagong panganak na sanggol ang iniwan sa palikuran ng isangbahay malapit sa National Highway ng barangay Tunggol, Datu Montawal, Maguindanao alas 8:00 kamakalawa.

Ang nasabing sanggol ayon sa report ni DXVL News Correspondent Nhor Gayak ay nakita ng isang Ginang na kinilalang si Junaiza Quinunez, 57 at residente ng nabanggit na lugar.

Ayon sa report, iihi sana ang ginang ng makita nito ang malusog na sanggol sa loob ng palikuran.

Agad namang inireport ng Misis sa pulisya ang nakita nitong bagong panganak na sanggol.

Sa ngayon nasa pangangala ni Quinunez ang sanggol at ipinapaalam sa nanay na nagluwal na maari niya itong kunin sa kanya. Rhoderick Beñez