Libung halaga ng Marijuana, binunot ng Carmen PNP

(Kabacan, North Cotabato/ August 2, 2013) ---Tinatayang aabot sa P25,000 ang halaga ng Marijuana na binunot ng mga elemento ng Carmen PNP sa Sitio Baroyon, barangay Macabenban, Carmen, North Cotabato.

Nanguna sa nasabing operasyon si Supt. Franklin Anito, hepe ng Carmen PNP.Ang nasabing mga halaman ay itinanim umano ng isang Ricky Mansabpar, 43-anyos at residente ng nabanggit na lugar.

Sa tulong ng Barangay Informant Network o BIN ay natagpuan ang plantasyon ng nasabing ipinagbabawal na halaman na itinanim sa maisan ng suspek.

Nasa 5ft na ang taas ngnasabing Marijuana na agad namang binunot ng mga otoridad at agad na dinala sa Carmen Municipal Police Station para sa tamang disposasyon. (Rhoderick Beñez)