70-anyos na Lolo, patay sa pamamaril sa Makilala, North Cotabato

(Makilala, North Cotabato/ August 14, 2013) ---Patay ang isang 70-anyos na lolo makaraang pagbabarilin ng 23-anyos na lalaki sa Purok Marang, Saguing, Makilala, North Cotabato, kahapon.

Kinilala ng Makilala PNP ang biktima na si Manuel Gamao habang kinilala naman ang suspek na si Gerry Pequit.

Ayon sa report, pinagbabaril ng suspek na si Pequit si Gamao gamit ang isang airgun.

Nagtamo si Gamao ng maraming tama ng bala ng airgun sa ulo at katawan nito.

Naisugod pa ito sa ospital pero binawian rin ng buhay kahapon.

Patuloy ngayon ang imbestigasyon ng mga otoridad upang mahanap at mahuli ang suspek. (Rhoderick Beñez)