5.2 na magnitude na lindol; yumanig sa Carmen, north cotabato

(Kabacan, North cotabato/ July 15, 2013) ---Muling niyanig ng 5.2 magnitude na lindol ang Carmen, North cotabato ngayong alas 9:28 ng umaga.

Sa report ng DOST-Philippine Institute of Volcanology and Seismology o Phivolcs ang sentro ng lindol ay nasa 12 kilometro ng hilagang bahagi ng Carmen.

May lalim itong 1 kilomentro kungsaan tectonic ang pinagmulan.

Naramdaman ang intensity 2 sa Kidapawan City. Naramdaman din ang pagyanig sa Kabacan, North Cotabato.

Inaalam pa ngayon ng mga otoridad kung may naiulat na nasaktan o napinsala sa nasabing pagyanig.

Bago ang 5.2 na lindol, una na ring inuga ng 3.9 na magnitude ang nasabing lugar alas 7:37 kanina.

Naitala ang intensity 2 sa bayan ng Carmen, North Cotabato. (Rhoderick Beñez)