(Kabacan, North Cotabato/ May 22, 2013) ---Pinalalakas
ngayon ng Kabacan PNP ang kanilang intelligence gathering matapos ang
sunod-sunod na pagsabog sa bayan.
Ayon kay Supt. Leo Ajero, hepe ng Kabacan
PNP may deriktiba na ngayon sa kanila ang higher headquarters na ipatupad ang
anti-criminality campaign plan ng PNP.
Bagama’t may sinusundan ng lead angmga
otoridad kung sinu ang suspek sa nasabing pagpapasabog, itinanggi muna ng
opisyal na kilalanin kung anung grupo ang nasa likod ng pambobomba habang
nagpapatuloy pa ang kanilang imbestigasyon.
Maliban dito, itinanggi rin ni Ajero ang mga
lumalabas na report na ito umano ay kagagawan ng mga taga-suporta ng talunang
kandidato dahil wala pa silang konkretong ebedensiya na magpapatunay.
Sa ngayon naka full force ang deployment ng
mga pulisya at military sa bawat sulok ng Kabacan para tiyakin ang seguridad ng
mamamayan, dagdag pa ni Ajero. (Rhoderick Beñez)
Walang komento:
Mag-post ng isang Komento