Graduation sa USM, itinakda sa April 13; enrollment sa summer class, simula na ngayong araw

(USM, Kabacan, North Cotabato/ April 1, 2013) ---Bagama’t walang pang tiyak na venue kungsaan gagawin ang graduation ng mga graduating students para sa school year na ito ng University of Southern Mindanao, tuloy naman ito sa April 13.

Ito ang ginawang pagtitiyak ni OIC Dr. Teresita Cambel sa panayam sa kanya ng DXVL News kahapon.

Aniya, magpupulong pa ang komite at pag-uusapan nila kung ito ay gagawin sa amphitheater o sa ibang lugar dito sa USM.

Samantala, sinabi ngayong umaga sa DXVL Radyo ng Bayan ni USM director For Instruction Dr. Lorna Valdez na ngayong araw na ang simula ng enrollment para sa summer class ngayong school year 2012-2013 dito sa University of Southern Mindanao. 

                               

Ang enrollment, ayon sa opisyal ay gagawin sa bawat kolehiyo. (Rhoderick Beñez)