50 anyos na lalake biktima ng kasong pananaksak sa Carmen, North Cotabato

(Carmen, North Cotabato/ February 19, 2013) ---Isang 50 anyos na lalake ang biktima ng kasong pananaksak kahapon sa bayan ng Carmen, North Cotabato.

Kinilala ng pulisya ang biktimang si Dominador Mampundo, may asawa at ang suspek na isang Nelson Gamad, 40 anyos, magsasaka na parehong residente ng Sitio Bunuang, Brgy Kibudtungan sa nabanggit na bayan.

Ayon sa inisyal na imbestigasyon ng Carmen PNP, ginamit ng suspek ang isang bolo sa pananaksak sa biktimang si Dominador dahilan ng pagkakatama nito sa kanang bahagi ng kanyang paa at kanang bahagi rin ng kanyang kamay.

Samantalang nagpapagamot na ang biktima sa pinakamalapit na pagamutan sa bayan ng Carmen.

Sa ngayon iniimbestigahan na ng Carmen PNP ang patungkol sa nangyaring insidente at ang kasong isasampa sa suspek. (Pearl Landrito, DXVL News)