Warning siren o alarm bell; ilalagay ng Makilala LGU sa mismong municipal hall sa unang bahagi ng 2013 para sa disaster preparedness

(Makilala, North Cotabato/ November 20, 2012) ---Maglalagay ng warning siren o alarm bell ang Makilala LGU sa mismong municipal hall sa unang bahagi ng 2013.

     

Ayon Makilala Mayor Rudy Caogdan, bahagi ito ng action plan ng LGU para sa kanilang disaster preparedness program.

     

Sinabi ng alkalde na kayang abutin ang abot sa 40-kilometer radius ng ilalagay na alarm bell.

     

Malaking tulong raw sa mga residente ng Makilala lalo na sa mga naninirahan sa tabing-ilog ang ilalagay na alarm bell.

     

Tutunog ito kapag may nagaganap na flashflood at iba pang kalamidad na tatatama sa bayan, ayon pakay Mayor Caogdan.