Babae na lumulutang-lutang sa Pulangi river; kinilala na

(Kabacan, Cotabato/June 15, 2012) ---Kinilala na ng kanyang kamag-anak ang bangkay na nakitang lumulutang-lutang kahapon sa Pulangi river na nasa Sitio Lumayong brgy, Kayaga, Kabacan, Cotabato.

Mismong ang kanyang kapatid na lalaki na si Joel Coquilla Ybaya ang kumilala sa biktima na si Virginia Coquilla Ybaya, 42 na residente ng Mascariñas, Kibawe, Bukidnon.

Ayon sa kapatid nito, posible umanong inatake ng kanyang sakit na epilepsy ang biktima habang naglalaba sa ilog dahilan kung bakit ito nalunod sa nasabing ilog ay umabot na ditto sa ilog ng Lumayong.

Ala 1:10 kahapon ng madaling araw ng puntahan ng kanyang kamag-anak ang labi nito sa Villa Jusa Funeral Homes at ibiniyahe na ang mga labi nito kahapon.