Lalaki sugatan sa isang vehicular accident sa Kabacan, Cotabato

(Kabacan, North Cotabato/May 2, 2012) ---Sugatan ang isang Ricardo Gajo, driver ng Honda Wave makaraang masangkot sa isang vehicular accident sa National Highway, Poblacion, Kabacan, Cotabato partikular sa harap ng Kusina Kabacan alas 5:00 kahapon ng hapon.

Sa report ni PO1 Amor Guillermo, traffic officer ng Kabacan PNP nabatid na isang Kawasaki Tricycle na ang bumabaybay sa nasabing kalsada mula sa Davao-Cotabato na direksyon ng bigla lamang nag-U-turn dahilan kung bakit ito na banggaan ng Honda Wave 125.

Dahil sa lakas ng impact, kapwa nag tamo ng di matukoy na kasiraan ang dalawang motorsiklo habang dinala naman sa Kabacan Medical Specialist ang driver ng Honda Wave na nagtamo ng sugat. (Rhoderick Beñez)