Brigada Eskwela sa isang malaking pampublikong paaralan sa bayan ng Kabacan, naging matagumpay; Zero collection sa enrolment sa Kabacan Pilot Elementary School, iginiit

(Kabacan, North Cotabato/May 31, 2012) ---Naging matagumpay sa kabuuan ang katatapos na Brigada Eskwela sa Kabacan Pilot Elementary School, isa sa pinakamalaking pampublikong paaralan sa bayan ng Kabacan.

Ayon kay Kabacan Pilot Elementary School Principal Annie Roliga, dinagsa ng maraming volunteers, mga magulang at guro ang taunang programa ng Department of Education o DepEd.

Katuwang din ng nasabing paaralan ang Kabacan PNP sa pamumuno ni P/Supt. Raul Supiter na tumulong din sa pag-aayos at paglilinis sa nasabing paaralan.

Nag-simula naman ang enrolment sa nasabing paaralan nito pang Lunes hanggang sa a uno ng Hunyo kungsaan nilinaw ni Roliga na ipinapatupad nila ang zero collection sa enrolment.

Aabot sa mahigit sa dalawang libung mag-aaral ang balik eskwela sa Kabacan Pilot elementary School batay sa tinataya ng punong  guro.

Paliwanag pa ng opisyal na sa June 4 ay umpisa na ng klase at nilinaw nito na wala ng gagawin pang paglilinis at enrolment kungsaan iginiit nito na dapat lahat ng mga mag-aaral ay nasa paaralan na kasama na sito ang mga transferees dahil simula na ng pormal na klase.

Samantala may isasagawa namang entrance exam sa lahat ng mga nasa section A o yung tinatawag nilang Speed FL o Fast Learner simula sa June 1. Para naman sa grade 1 ang special section ay agad na pinapakuha agad ng entrance exam. (Rhoderick Beñez)